#3siig#3sätz#3pünkt

VOPAP-VBC Marzili

25:14 // 25:21 // 25:17

Geschter am 28.11.15 hei mir umä ä Heimrundi im Altikofe dörfe spilä und d'Atmosphäre gniässe.D'Versammlig ir Garderobe isch stiu verloffe ohni grossi Wort u Hektik. Eifach anang d'Wort "mir wei üs Hüt d'Siig holä" zuägsprochä. Aber wer wott das scho nid oder?!=)

Mit dr Laura us Coach und 7 Spilerinnä si mir aträtte.Dr Service het üs ghört und dermit hei mir grad ä super Start härä gleit u die erste 8 Punkt ghout.O d'Abnahmä si cho, dass mir guät hei chönnä ufbouä und vorauem mit Finte hei chönnä punkte. 

De im zwöite Satz isch es chli äs grössers Kopf a Kopf rennä gsy. Bi üs hets a Kommunikation gfäut u si längi Bauwächsle gsy. Im Time-Out hei mir üs gsammlet u guäti Tipps ghout. Das hets äuä grad brucht gha, denn de hei mir o dr zwöit Satz chönnä für üs entscheide.

Mit em wüsse das 1 Punkt sicher scho üs ghört, si mir ruhig i 3. Satz.Aues het gstumme gha, der ganz Spiuufbou und d'Stimmig, bis zum 18:8. Dert het ou Marzili üses Loch gfunge gha. Dört hei si düre punktet bis uf 13. So wi üsi Fans si o mir lüter worde. Hei jede Punkt gfiiret aber si zuglich uf aues vorbereitet u parat gsy. Mit verschiidenä  Agriffe, da d'Löcher minimiert si worde, guäti Blocks (hihi) u Diffens hei mir der Spiusiig ghout.

Mir hei riisig freud ga (auso immer no) mit üsnä Fans und Ungerstützer dörfe fiire=)

#merciLaura#guetsCoachen#unfairgross#spass#guetsTeam#guetiFans#witerso#jaa