#oOoo#noComment

VBC Münsingen-VOPAP
25:20 // 25:17 // 25:16

Dr Mysli het am Samsti am 05.12.2015 di Ufgab gha üs z'coutchä.
Mir hei es guäts ispiu gha u si ou sehr guät motiviert gsy.
Im erstä Satz isch es niä richtig entschiide gsy wer vornäligt, immer 1 Punkt mir u wieder 1 Punkt für Münsigä. Bis ufä Schluss vom Satz wo sie üs definitiv abghänkt hei.
De im zwöite und drittä Satz hei mir nid grundsätzläch schlächt gspiut aber ar Kommunikation hets sicherläch gfäut.
Ir Rückrundi isch da sicher meh usezholä.

Di Niederlag änderet nüt a üsem Teamzämähaut, u mir si das gmeinsam am Wiehnachtsmärit z'Münsigä ga verdouä:)


VOPAP-VBC Köniz
4:25 // 13:25 // 11:25

Am Mittwoch 09.12.2015 hei mir gägä Tabälläführer Köniz im Rain gspiut.
Anhand vo dä Resutat isch es gloub fasch säubsterzählend.
Si hei üs regurächt abäserviert. Aber ab und zuä we mir ou Baukontakt gha hei, hei mir o Druck chönnä mache im zwöite u dritte Satz.
Isch gloub o nid ganz ar Liga entsprächends Team.

Mit däm Match hei mir d'Vorrundi abgschlosse u befinde üs im Mittufäud ufem 4 Platz.
Mir fröiä üs scho uf d'Rückrundi u gäbä no mau aues:)

#doppuloos#team#immersuper#wiähnachtsässä#schöniwiähnachte#rückrundi