#5.Liga: #Match gäge #Volley Muristald

Nachem obligate #Hauechaos ufem #Campus Muristalde heimer am Mänti Abe 15.02 doch no dr Wäg ufds richtige Fäud gfunge. So simer de o gad parat und motiviert i de Match gstartet. Im erschte Satz isch üs eifach aues glunge u hei de mit 25:20 chönne für üs entscheide. Blöderwis het üs ds berüchtigte #Tief vom 2te Satz iighout und hei de mit 13:25 verlore. Doch mir hei d Chöpf nid la hange u hei aues uf Aafang gsetzt. Mir si wieder parat gsi, hei kämpft und super gueti Spiuzüg gha. Leider hets de mit 26:28 sehr knapp nid glängt für e 3t Satz ds gwinne. #Letschti Chance im 4te Satz isch ds #Motto gsi u mir hei dr #Flow vom 3te Satz mitgnoh. Nachemne churze Tief heimer leider nümme wie gwünscht chönne ufhole u hei o dä Satz mit 22:25 a #Muristalde müesse abgäh.