uiuii no mau guet gange
Volero Aarberg-VOPAP
23:25 // 26:28 // 25:9 // 19:25
Üses nünte Spiel hei mir z'Aarberg ir Aarfit Haue am 03.12.2016 dörfe ustrage. Mit 8 Spielerinne sie mir is Renne gstartet inklusive Meli wo mir wieder a üsere Site dörfe ha und der Praktikant Leu Coaching dür das närve uftribende Spiel überno het, zum Glück het er das nid scho im vorheri gwüsst:)
Die aut bekannti afangs Schwirikeit het üs umä begleitet. Aarberg het druck gmacht und d Pünkt uf ihres Konto chönne schribe. Ganz ehrlech es het bau chli schwarz für üs usgseh. Mir hei viu usprobiert us üsere Notlag usezcho mit Time-Outs ir Abnahm umgsteut und probiert d'Bäu im Fau direkt übere zspiele. I weiss nid was aber öppis het üse Chnopf glösst und mir sie zum punkte cho. Zganze Spiel het meh Schwung becho und ou meh fröid gmacht. Ganz eifach hei si's üs ou nid gmacht. Aarberg het starki Agriffe wie ou Aspiel ga. Jede Punkt isch würk richtig bis am Schluss gspiut worde. Es isch es regurächts Punkte-Ping-Pong worde. Aber Ufgäh liegt nid drinne und sehe und staue hei mir chönne ufathme bim Punktestand vo 23:25.
Der zwöit Satz isch genau glich verlofe absolut das selbe in Grün. Bis uf öppis. Mir hei leider ä Spielerinn verlore. Z'Jasi het sich Verletzt (gseht nachärä Bänderzerrig oder Riss us). D'Nicä K. us Diaspielerinn het de üsi Mitti mit em Meli zämä abdeckt. So das mir dä Satz ou im Kampf für üs gwunne hei.
I gloube zum dritte Satz gits nid viu zsägä. Da isch nüt vo ufhole zwöuä gsy u Eigefähler sie ou einägi ungerlofe. Aarberg het ihres Spieu gmacht u gas gä, genau so schnäu isch de Satz ou gad verlore u vergässe gsy.
No einisch Energie tanket und ke schlechti Stimmig la ufcho sondern mit erhobenem Hauptes zrugg ufs Fäud gstang. Starki Aspiu beidsitig, längi Bauwächslä und ustrickse dür viel verschiedene Agriffsvariatione. Doch im vierte wie letschtä Satz hets ächt für üs gsproche. Ä Teamgeist u Motivation wie siebe!
Das Spiel het üs witeri 3 Pünkt erbracht jedoch 2 verletzti Spielerinne. Jasi und Nicä K. (Dumästuchig im Verlouf vom Match u glich witer Kämpft!) Mir wünsche öich gueti Besserig. D'Lea het sich letste Mittwuch der Fuss kaputt gmacht ou dir witerhin aues Guete. Das isch es Biud gsy gloubet mir, no mitem Praktikant Leu a Krücke.