YEEEEEESAAA!!!!

VOPAP- VBC Studen

25.21 // 25:9 // 21:25 // 25:22

?

Mittwuchabä 01.02.2017 und mir hei umä ä Heimmatch dörfe bestritte arsteu vom nä Training.

Absolut schön z gseh das mä üsem Team die 3 Niederlage nid a gseht u stehts ufgsteut und motiviert ir Haue stöh. Ussert die gwohnte Netzproblem hei mir es guets Warm-Up gmacht u zum Apfiff parat uf em Fäud gstange.

Es isch e gueti Stimmig da gsy und hei doch gad vo Afang a üses Spiu gmacht. Obschon mir sie immer zimmli noch a üs hei la härä cho, isch das ä super gpiutä Satz gsy. Mir hei variert und mä het ou der Teamgeist gspürt.

Das hets im 2te Satz wohu gad usgmacht. D Stimmig isch gstige u äs isch a Griffe worde wo mä nume het chönnä u das geziut. Es het definitiv aues gstummä uf üsere Site d'Services d'Abnahme sowie scho erwähnt d'Agriffe. So isch das e relativ churze Satz gsy zu üsem Gunste=)

Wie so schön gseit nach der Ruhe kommt der Sturm oder...? Z'Fäud vo hinger ufrumä hei mir scho äs paar mau härä becho vorallem ir Vorrundi. Aber wenn mir am führe sie u würk eigentläch es guets Spiu härä lege, passiert öppä no das mir när ä Satz abgäbä. Mir hei probiert z viu sicheri Bäu z'spilä u sie hei üs dür üsi eingänä Bäll zerstört. Druck hei sie nid viu chönnä ufbouä. Aber üsi Gratisbäu hei sie gad derzuä umgwandlet u zerstä mau richtig Agriffe und üs verunsicheret. Zuglich si üs de ou no gad äs paar Sache it Hose.

Z'Spiu isch no nid fertig, Stude het gad nöiä Mut gfasst. Aber ou mir hei gwüsst das mir ke Punkt wei verlüre sonder iz mau 3 ganzi Pünkt uf üses Konto wei verbuächä=)Es isch würk Punkt für Punkt gspiut worde mä het angang nüt gschänkt. Villecht ou so Närväzerrend gsy da mir würklich hei wöuä gwinne.

Aber es isch gägä Schluss vom 4 Satz u ou Match äs Spiu worde wie im 2te Satz. Äs super Zämäspiu, guet ufbouä und Agriffe. So hei mir dä Satz ou no dörfä uf üses Konto schribä.

Äs isch super umä ä gwunne Match dörfe z'mäudä aber fasch no schöner isch gsy die Gsichter. Sie hei gstrahlet und bi auem wo glunge isch glächlet u fröid ga. Das würd i no gad us Pluspunkt la zeuä.

Yeeeesaaaa super Frouä