Emotione puur!!

Match vom 26.10.2017

VBC Grosshöchstetten-Volleyball Papiermühle b

Spilerinnä: Cesi, Nicole K, Claudia, Martina, Marcia, Michèle, Meli, Nicole V

Coach: Yves

Gfühlt um Mitternacht (wahrheitsgetreu 20:45) hei mir am Donnstiabä der Match in Grosshöchstette bestritte. 

I cha scho mau vorussäge das es ä kriminelle 5Sätzer isch gsy.

(25:22 /18:25 / 23:25/ 25:22 / 15:12)

Aui 5Sätz si meh oder weniger glich verlofe. Tönt iz längwilllig aber isch aues angere aus längwilllig gsy.

Ä Match wo mir üs spielerisch wi ou psychisch ungerdruck gsetzt hei. 

Vom Apfiff bis zum Schlusspfiff hei mir wi ou Grosshöchstette wortwörtläch kämpft. Bi einere Spielerinn het sogar ä zimmläch grossi Haarsträhne müässä dra gloubä wo ihre usgrisse isch worde bim verteitige da mir üs echt nüt hei wöuä schänkä.

Mir si gsprunge grennt gumpet u hei gfiiret. So viu Emotione und Hormone uf eim Spielfäud, het üs eifach la reagiere und agiere. Spilerisch wie ou emotional hei mir aui Hürde düregmacht. Es isch es Punkte-Ping-Pong gsy wo mir echt immer uf aues gfasst hei müässä si. Fasch gar ke Zit isch fürig gsy zum düreschnufe. Da isch düre Druck u vom viele Kämpfe sogar die einti oder angeri Tränä über Backe grollet.

Trotzdem der Niederlage hei mir 1Punkt chönne holä und hei würk es super Spiel ga:)

Mir nähme viu us dem Spiel mit und freuä üs ufs nächste wo mir scho am Mittwoch dörfe bestritte.

Yeesaaa!