Heimsiig am 29.11.2017

VOPAP-VBC Marzili

25:23/25:11/18:25/25:20

Wie ä verwirrte Hüenerhufe hei mir üs am Mittwuchabä am 29.11.2017 ir Turnhalle im Rain, Ittige vorgfunde. Während em Ispilä si mir Bemerkige wi: was isch de das für ä komischi Stimmig zu Ohre cho. Aber es het öppis wahrs dranne ga, i ha eifach zGfüu ga das es eher ä Ruhä isch gsy u mir üs aui uf üsi eigeti Art u Wiis vorbereitet hei.

Richtig mit viu Energie und guete Spiuzüg si mir i dä erst Satz gstartet. So wi mir hei chönne vorlegä, hei mir üs ou ume la ufholä. So ab der heufti isch es es usglichnigs Spiu worde. Beidi Sitä hei guet Agriffe und Verteitiget. Mir hei dStimmig immer chönne ufrecht erhaute ufem Fäud wi ou näbem Fäud so das mir dä Satz uf üses Konto hei chönne verbuächä.

Mit guätä Tipps ir Pousä u richtiger Istellig si mir i zwöit Satz. Dä zwöit Satz isch unüberträffbar gsy. Vo A-Z het aues gstummä ga. Services top, Abnahme top, Agriffe top, Blocks hammer! Stimmig super! Das isch ä super Satz gsy wo mir ächt d Leaders si gsy und üses Spiu gspiut hei.

Aaiiaii aiii! Üsi Gägner si nid igschüchteret gsy u mir hei äuä gad zu viu Übermuet ga. Vo ihne isch viu zrugg cho u mir hei gad nümä gwüsst wie abnäh. D Eigefähler bis zu 4 nachänang hei sich ghüfft u mir si is triblä cho. Trotz Time-Outs u Wächsle si mir erstarrt gsy u isch nüt meh gloffe wie im zwöite Satz. Schaad aber zurächt kört dä Satz Marzili.

Töiif düreschnuffe und d Hoffnig nid ufgäh. Mir Ungerstütze angang u hei nöii Motivation gfasst. Der Afang isch doch ä chli ruhig verlofe aber ab dem Zitpunkt wo mir wieder sicher sie gsy und üses Spiu hei chönnä mache ohni Ängst u Zrugghautig hets umä gfägt u Stimmig bracht. Ohni das mirs begriffe hei isch der letscht Bau gspiut worde und zugunste vo üs gangä. Am liebste hättä mi gad witter gspiut aber Nenenei...Fini Fertig! Mir hei nid numä der Satz gmacht mir hei witeri ganzi 3 Pünkt ghout! Yeeesaa!

Z'nächst Spiu findet am 09.12.2017 in Stude statt. Mir fröiä üs.

?

?