Zwei Niederlagen in einer Woche

VOPAP-VBC Wislen

16:25/12:25/7:25

D'Rückrundi im neue Jahr hei mir ohni Trainingsiheit sowie Vorbereitig am 17.01.2018 gägä Wisle gstartet.

D'Stimmig isch gut gsy und hei ou gad ä super Start härä gleit. Die erste Pünkt sie richtig erspiut gsy und hei üses könne zeigt ga.

Wie gseit die erste Pünkt, när isch es es eisitigs Spiu worde für Wisle. Da cha mä Ihnä würklech es Chränzli binde. Sie sie es igspiuts super kontrollierts Team. Dür ihri Erfahrige hei sie üs ustrikts und aui Löcher gseh und punktet.

Die 3 Sätz sie zimmlich schnäu gspiut gsy. Mir hei üs immer wieder probiert zfasse und umzsteue aber sie ihne glichwohu ungerlägä gsy.

?

Volero Aarberg-VOPAP

25:16/25:17/25:19

Am 20.01.2018 hei mir in Aarberg gad witergfahre.

A däm Match sie aui 3 Sätz meh oder weniger glich verlofe. Am Afang wie erstarrt ufem Fäud gsy u nid gwüsst was mache. U am Schluss wo scho fasch klar isch gsy das dä Satz nüm zholä isch hets bi üs der Knüppu glöst u mir hei gspiut u üsi Pünkt gmacht. I dä Time-Outs si Sachä gnennt worde wie: fählends Säubstvertrouä oder ou mir wei gar nid gwinne.

Was isch los gsy oder a was es isch glägä, keh Ahnig chas würklich nid sägä.

Aber i würd meinä vergässe fürä luägä und üs ufs nächst Spiu fröiiä und fokusiere. Wöu dfröid söu niä verlore ga.

?

No es grosses Merci a Andy wo üs coachet het und das mit üs het düregstande.

Yeesa!