Super Heimrundi

VOPAP-Volero Aarberg a
25:8/17:25/25:23/25:20

WWwwWooow was für äs Gfühu.

Ume i üsere gelibte (chaute) Haue hei mir am 31.10.18 gägä Aarberg gspiut.
D‘ Erinnerige vor letschte Saison si nid so rosig, mir hei denn aues verlore gägä si.

I weiss nid öbs das isch gsy oder o öppis angers aber mir si sehr ruhig i das Spiu gstartet. Aber di Ruhe isch äuä gad dr Schlüssu gsy zu dem Spiuerfolg.
Im erste Satz hei mir viu Pünkt ume gwunne rein dür d Aspiu u hei dä recht souverän 25:8 gwunne.
Mit hei gwüsst im zwöite wird meh zrugg cho u so isch es ou gsy. Aarberg isch üs gad dervo und het üs usem Konzept bracht. Im Time-Out si mir ume wachgerüttelt worde u hei üses autä Spiu zeigt. Ganz hets nid glängt jedoch ufghout hei mir.
Im dritte das selbe in grün, aber wowwoow..:) mir hei üs grettet und der Spies umdräit. Das macht föid u spass sowie hets üs no mau gstercht das mir ä super vierte Satz hei härägleit u dä Sig hei heida.
Im ganzä betrachtet hei mir würk super gspiut. Bäu wo scho abgschribä si gsy no grettet u super Agriffe.
Äs Team wo änang ungerstützt u fröid het.

Witer geits am 17.11.18 in Worbloufe.
Mir fröiä üs.