Volley Muri Bern - VOPAP Legenden

D Legände si ds sächst gäg Volley Muri Bern aträtte. Wie isch das äch usecho?

Sooo schlächt isch das gar nid gange. Volley Muri Bern het ja o nid meh als 6 Spieler chönne ufs Fäld stelle u so het, nachdäm mir klärt hei wele vo de drü Passeure usse agrifft, bi üs jede genau gwüsst was'er z'tüe het.

Dr Michu het also d Rolle vom Usseagriffer überno und mir hei zum erschte Satz chönne ufschlah. Mir si relativ schnäu 8 Pünkt hinde dri gsi u hei das o nüm chönne ufhole. Es isch üs aber glunge das dr Abstand nid grösser wird.

Im zwöite Satz si mir immer wenigi Pünkt i füehrig gläge am Schluss hets aber nid füre Satzsieg glängt. Im dritte Satz isches genau gliich gsi mir hei aber chönne drvo zieh und hei dä Satz gwunne.

Im vierte Satz hets leider nid füre Erfolg glängt.

Durscht hets natürlech gliich gä u dä hei mir de gliich no zfride chönne lösche (merci Svenu).

Gspiut hei: dr Res, dr Michu, dr Dänu, dr Reto, dr Svenu u dr Mysli