Super Saisonuftakt Damen 5. Liga

Mir hei z Wucheend vom 14.10-16.10.2016 zur Saisonvorbereitig in Mürre verbracht. Es het üs ume e Schritt witer bracht, wage i iz mau z säge. Nöis System, nöii Mitspilerinne, nöis Motto sowie ä nöiie Co-Trainer (alias Praktikant Leu), aber nöi Agfange hei mir nid sondern ufboue. Der Role het üs dür super motivierendi wie ou takteschi Trainings gfüehrt. 

I zwöi Trainingsmatchä hei mir jewils ou grad chönne usdüftle u umsetztä was mir nöis erlehrt hei. 

Zu Moscato und Bier het no niä öpper nei gseit:) genau so hei mirs üs gmüetleche gmacht, verdout und üse Teamgeist gstercht. 

 

Danke öich aune für das super Weekend! Het guet da, das aus Team chönne z erläbä

Es fägt mit öich!

 

VOPAP-Münsinge

 

Grad aschliessend am Mittwoch 19.10.216 sie mir a üses erste Meisterschaftsspiu a trätte.

Mir si so öppis vo parat gsy und motiviert aber leider üsi nöiie Trikots no nid:) und di aute si uf Afrika für nä guete Zweck gspändet worde:) Aber ke Angst, mir hei doch no es Trikots vo üsem Mix-Team uftribe, nid das mir ganz ohni ufem Fäud gstange si:)

Zum Apfiff si mir töif i de chnöi parat gstange. Parat si mir körperlech gsy jedoch der Chopf no nid ganz oder eifach die afangs Närvosität. Münsige het grad chli chönne punkte und vo üsne Eigefähler chönne profitiere wo üs usem Konzept bracht het. Nachem Time-Out wo üs gstercht het hei mir angeri Site ufzoge u punktet bis mir sie im Griff hei ga und überhout hei. Sie viu schöni Pünkt gfaue mit em ne schöne Zämespiu, abgno ufggstellt und agriffe wo variert hei. 

 

Der zwöit Satz isch vo Afang a scho viu flüssiger glofe. 

U hei dä grad dürezoge u für üs gwunne:)

 

Im dritte wi ou der letscht Satz hei mir Münsinge immer zimmlech noch a üs la häre cho. Jedoch dank üsere starke Teamleistig u starkem Wiuä chönne kämpfe das ou dä dritt Satz üs ghört het:)

 

Yeeesssa!!