Bärg- und Talfahrt

Nachem Horrormatch gäge Thun Seefeld hei mer grad wider gäge Thun gspiut, dismau aber gäge VBC Thun. Mir hei e Revanche wöue für ds 3:2 im Hiispiu, u afangs hets o guet usgseh. Mir hei der erst Satz ruhig mit 25:21 für üs chönne entscheide, im zwöite hets när aber nüm ganz klappet u mir hei knapp verlore.

Der dritt Satz isch üse schlechtist gsi, mir hei sehr viu Eigefähler gmacht u drum o nomau verlore, hei üs aber im vierte dank sehr guete Service gfasst u uf 2:2 usgliche.

Leider heimer dä verflixt füft Satz scho wider müesse verlore gä, obwous sehr usgliche isch gsi. 

Mit emne viu bessere Gfüu aus nachem letschte Match geits iz id Wiehnachtspouse. Mir fröie üs scho uf d Rückrundi im Januar, u faus öpper wo das list üs wett vom Mitti-Mangu befreie: mir sueche no Spilerinne!!;)

Voitto!

Gspiut hei: Vanessa, Michèle, Joëlle, Melike, Nadine, Naomi, Melina, Joy