, Sommer Nadine

Letscht Mätch vor Vorrdundi fürds Dame 3

Am 02.12 hei mir üse letscht Mätch, i däm Jahr, im Muristalde gäge d Längass aträtte. Da mir d Wuche vorhär zimli schlecht hei gspiut u drum gäge d Uni heiu vrlohre, isches für üs ganz klar gsi das da ä Sieg härä muess. Schliesslech weimr üses Saisonziel, ufdsstige, no schaffe.

Leider heimr im erste Satz ds gfüu kah chli bäuele längt u hei dä fang mau i Sand gsetzt. Servicefähler hei sech a schlechti Abnahme u abgspickti Bäu greielet. Nach däm erste Satz hei mir üs gd ä wuche zrügg vrsetzt gfüut u mir hei gwüssst iz muess öppis ga… nid ds letscht wäg em Vortrag wo üs dr Mysli ir Pouse het gä ;)

Mir hei gwüsst es isch no nüt vrlohre u si mit neuem Elan u nöier Ufstellig i zwöt Satz gstartet. U plötzlech isch aues viu besser gange. Mir hei kenni eifache Abnahme meh vrgäh u si viu schneuer gsi ir Vrteidigung. U dr das si plötzlech o widr viu meh schöne Agriffe cho.U da hei sech o üsi Gägner la ischüchtere u o mau chli Fehler gmacht. Dr zwöit Satz heimr klar gwunne.

Im dritte Satz isch de widr chli meh zrügg cho vor Längass u damits nomau chli spanend wird hei mir üs es Chopf a Chopf Rennä gliferet. Mitem 27. Punkt hei mir dä Satz für üs chönne entscheide. Mitem Hochgfüu vom dritte Satz hei mir üs o dr letscht nümm la näh. U hei mit super Abnahme u mitere grosse Variation vode Agriffe dr viert Satz chönne gwinne.

Es isch ä super letschte Mätch vo däm Jahr gsi u mir chöii aus Vorrundi Leader nächst Jahr widr starte. Immer mit üsem Ziel vom Ufstieg vor Ouge :)

(15:25, 25:14, 27:25, 25:20)