Lang fahre – churz spiele – lang fahre

Mir dörfe wieder äs Siegerfoto ad Wang pinnä – hurray. D Highlights vo däm Match churz zämägfasst:
D Bühni ir derä «tiny»-Halle / Colette verbuecht 5 direkti Blockpünkt. Mä munklet äs sigi sogar meh gsi/ uf üsere Sitte d Monique us MVP Kandidatin / weni Bäu wo bi ad Decki si, trotz denä gfüuhte zwe Meter Platz zwüschä Netzkannte u Halledecki / z Ursi mit ihrne Ball-Boden- oder Ball-Gegnerin-Decke-Agriffe / uf dr gägnerische Sitte d Mittiagrifferinne wo einigi Pünkt gsammlet hei – o da darf mä mau chlatsche / u zu guter Letzt: d Muriel wo churz vor Schluss igwächslet wird, mitm Mindset «scheiss drauf, i mache iz äs Ass» vou ufe Bau hout u so dr Match abschliesst.