Nächscht Sieg innerhalb 24 Stung – BON APP

No dr hert umkämpft Match vom Vortag i de Chnoche si mr ke 20 Stung später wieder i dr Halle gstande – diesmau uswärts in Strättlige.

Mir si zwar äs bitz weniger ‚gschmeidig‘ unterwägs gsi und hei üs mit angerne Dimensione müesse arrangiere. So isch dr Gägner nume ds sächst u mir mit dopplet so viu Frauenpower ahträtte, zwar ohni ‚üse‘ Timo, drfür mitem souveräne Mysli – es grosses DANKESCHÖN nomau a derä Steu! U när isch da ouno die spezieu chliiiiiini Halle gsi, wo mir bim ahfüüre äs gfüuts (zwöistimmigs😊) Ärdbebä hei chönne uslöse u us luuter Platznot schier im Spielfäud si gstande. Das Ghütt isch sooo kompakt gsi, dass dr Gägner bire abverheitä Abnahm prompt ä Chorb hett chönne generiere u so für tosende Applous vo aune Ahwäsende hett gsorget.

Apropos….  mir hei das Spiel mitemne fählerfreie Resultat 3:0 (25:7, 25:6, 25:13) chönne heischoukle u i gloub äs si schlussändlech aui froh gsi, hei mr diesmau chli früecher i wohlverdiente Fyrabe chönne ga. 6 Pünkt innerhalb 24 Stung – BON APP u wiiter so!!